O le natura lava o le tamaititi o le fia sue atili i mea o le olaga, o le auala lea e tupu ai le iloa. Ia fa’amalamalama iai o mea ua matamata ai o mea mo tagata matutua ae le mo tamaiti. Su’e se nofoaga (site) e fiafia iai ma fetaui ma tamaiti. Ia fa’amalosi i latou ia fesili mai. Afai ua e iloa ua tele le taimi o tamaiti matutua i luga o le upega tafailagi, ia e tautala iai e uiga i mea e ono tutupu mai ona o le tulaga lena. E iai le popolega i le va’ai o tamaiti i nei mea ona o le a fa’apea ai latou o mea o lo’o va’ai iai e fa’apea lava i faiga aiga. E taua lou ta’u iai e leai, ma e tatau foi ona e talanoa loa iai e uiga i faiga uo ma filifiliga lelei. O faiga aiga e mafua mai i faiga uo ma filifiliga lelei o se tagata e te lua mafuta. O le mea maualuga lava o lou le ma pe ‘alo i nei talanoaga ma lau fanau. O se vaega aoga mo le saunia o i latou e avea ma tagata matutua lelei.
O puipuiga tau-tekonolosi.
E o lua ma le talanoa i lau fanau lou puipui i mea tau tekonolosi:
O puipuiga fa’amatua i komepiuta ma devices feaveai.
Toeititi lava o komepiuta ma devices feaveai uma ua fa’atau atu i tagata lautele, e iai ki (controls) e puipui ai mai mea e le tatau ona va’ai iai tamaiti. O nei ki e iai lava i le komepiuta po’o le device i le panel po’o le screen. Afai e te le iloa ia tulaga, ia faafesootai lau kamupani po’o le upega tafailagi.
O faila e mafai ona faatau pe kopi mo puipuiga o fanau
E tele ituaiga faila e puipuia ai fanau mo komepiuta ma devices eseese. Ia filifili se kamupani tele ma iloga i le faatauina atu o nei mea, ma ia faitau i tusitusiga e uiga ia i latou. E masani lava ona latou aveesea mea leaga e pei o faiga aiga ma sauaga ina ia le tau iai lou alo. O isi kamupani latou te fa’atagaina oe e faia ni faila eseese mo tamaiti e fua i o latou tausaga. O nisi taimi, o nei faila latou te polokaina polokalame o lo’o fetaui ma lou alo, ae o nisi foi taimi e sao mai lava mea le talafeagai. O le tele lava o kamupani e faataga mai oe e poloka pe le polokaina foi se polokalame mo lou alo, ina ia e pulea lava e oe. O isi faila e tuu mai lava oe e te va’aia mea o lo’o fai e lou alo i luga o ke upega tafailagi. O nisi e lipoti mai ia te oe mea a lou alo o fai i luga o le upega tafailagi. O nisi polokalame e mafai ai ona faatapula’a le taimi e iai lou alo i luga o le initaneti, pe fa’asa foi ma nisi nofoaga (sites) i se taimi o le aso. E mafai la ona poloka tamaiti i le taimi e tatau ai ona fai a latou meaa’oga. E mafai ona e suia faila i so’o se taimi e ala i le faaaogaina o lau log-in pe a matua lou alo. O faila uma e tatau lava ona faafouina pe a logo atu oe.
Auaunaga mo le pulea o polokalame i luga o le upega tafailagi (ISPs)
E tele auaunaga i luga o le upega tafailagi e iai foi a latou polokalame e poloka ai mea e le tatau ona va’ai iai tamaiti. O tagata e faatau mai i le ISP e masani ona maua fua ia auaunaga. E faapena foi isi kamupani e ofo fua mai lenei auaunaga. A’o isi e fua i le aoga ma le taua o le ‘setting’ o lo’o fa’aaoga i le polokalame. Afai e te le o mautinoa po’o le a le mea e fai, pe iai foi nisi au fesili, ia faafesootai le tagata o le kamupani e fesoasoani i le faiga o lau ‘device’ feaveai. O isi devices e pei o ta’aloga e iai lava faila mo le puipuia o le fanau (parent control software) e mafai lava e oe ona fai. O ala matamata (channels) a le ‘Television on Demand’ e ofo mai vaega ia e puipui ai le fanau, ae tatau ona faaaoga se upu tatala.