- Ia fai ni tulafono mo lou alo ae le’i maua mai lana ‘device’ e fa’apipi’i (telefoni fe’avea’i, ma’a (tablet), laptop, po’o mea e fa’aaoga i ta’aloga). E maua mai loa ia mea, e faigata lava ona toe sui mulimuli se auala na te fa’aaogaina ai.
- Ta’u i lou alo e taua tele le nana lelei ma le malu o telefoni ma isi ‘devices’ pe a alu ese pe le o i le fale, ina ia aua ne’i gaoia pe leiloa.
- Talanoa ma lou alo i mea e talafeagai ma malupuipuia e tatau ona tu’u i luga o le upega tafailagi. O tusitusiga, ata, vitio, e iloa ai ia e tagata uma (digital footprint) ma e tumau lava i luga o le upega tafailagi, tusa lava pe ave’ese mulimuli.
- Talanoa i lou alo e uiga i mea latou te va’ai iai. Atonu e su’esu’e i mea tau i fesuia’iga o lona tino i lona tuputupu a’e, po’o faigauo foi ma nisi. E tatau ona malamalama i le matua leaga tele o le lafo o ni ona ata le lava lava, i nisi tagata tusa lava po’o ai.
- Ia manatua e iai le mafua’aga o le fa’atapula’a o le ‘au’aunaga a le Facebook ma le Youtube i e e 13 tausaga aga’i i luga. Aua ne’i e vaivai, ia talanoa i isi matua, ma le a’oga a lou alo, ina ia outou malamalama ma malilie fa’atasi i se mea e fai.
- Ia fa’amalamalama i lou alo, e le fa’apea o le alu i luga o le upega tafailagi e lilo pe malu ai ia. Ia aua ne’i faia se mea i luga o le upega tafailagi latou te le faia, pe a fa’afesaga’i ma isi tagata.
- E tatau ona e silasila i tulaga e te pulea lelei ai le ‘device’ a lou alo (parental control filters). Afai e te le silafia, ia e fesili i sau uo po’o se isi e iloaina e fa’asino atu ia te oe.
Fesili e fesili i lau fanau
- E te iloa lelei tagata o lo’o e fa’auo iai i luga o le upega tafailagi?
- E te iloa ona fa’aaoga ma seti tulaga o le puipuia o mea tau ia te oe lava?
- Se’i fa’asino mai pe fa’apefea ona fai?
- E te maua mai ni imeli i se tagata e te le iloaina? O le a lau mea e fai?
- E te iloa se tagata o lo’o fuafua e fetaui i se mea ma se isi fa’atoa feiloa’i iai i le upega tafailagi?
- E fa’aali ni amio le lelei a au uo i nisi tagata, po’o latou lava i le upega tafailagi po’o le telefoni? O a a latou upu ma amio e fai?
- Ua fai atu ni upu po’o ni amio le lelei a se isi ia te oe? Afai o lena, e te ta’ua mai ia te a’u?
- E te iloaina se tagata i le a’oga po’o se isi mea ua na pu’eina ni ata le lava lava o ia ma lafo i nisi tagata? Po ua maua mai foi e ia ni ata fa’apena mai nisi?