O mea e ono tutupu
E ono osofa’ia e nei polokalame (osofa’i ma taufa’aleaga) lau telefoni po’o lau ma’a e ala i auala nei:
- le kopi mai i nofoaga (websites) ua te’i ua a’afia, pe fa’aleaga foi e nei polokalame.
- le kopi mai i ‘apps’ ua a’afia, e iai ‘apps’ na kopi mai i se isi ‘device’… po’o le mea foi e teu ai ‘information’ a le nofoaga (website store). Ua fa’asolo lava ina tele ‘stores’ pepelo i nei aso ua fai ina ia fa’asalalau atu polokalame e osofa’ia ma fa’aleaga komepiuta.
- le fa’apipi’i o lau ‘device’ i se komepiuta ina ia maua mai ‘information’ fou (update & synchronise), pe kopi mai ai foi ni musika.
O galuega a nei polokalame leaga & taufa’aleaga, e ono tula’i mai ai ni vaega ogaoga e aofia ai mea nei:
- Gaoia o mea tau ia te oe lava e ala i ‘apps’ o lo’o galulue mai i tua e gaoi au ‘information’ o lo’o i totonu o lau telefoni.
- Taufa’asese e ala i ‘apps’ o lo’o galulue mai i tua e gaoi ma fa’aaoga sese mea o i lau telefoni.
- O le maua mai o pili taugata o lau telefoni e aunoa ma lou iloa pe aisea.
- le tape po’o le fa’aleagaina o au ‘information’ (data).
- se ‘device’ a le gese lana galue, o le matua le aoga lava.
- le le aoga o le ma’a.
E ono iai ni polokalame ua a’afia i lau ‘device’ e mafai ona pasi atu i isi komepiuta.
Puipuia o lau ‘Device’
O ‘devices’ a le kamupani o le Apple e lelei tele puipuiga ua tu’u iai i totonu, ae ui i lea ua tele lava ina fai ma mea e tauva iai tagata taufa’asese ina ia fa’aleaga. O lona uiga ia tu’u pea iai ni puipuiga mo le fa’aaogaina i luga o le upega tafailagi, tusa lava po’o le a lau ‘device’
Mo galuega i le fale po’o le ofisa, e tele ‘apps’ e puipuia lau ‘device’ ae pule oe po’o le fea e kopi (download). Po’o le a lava lau filiffiliga, ia fa’amautinoa o se kamupani iloga ma iloa uma e tagata, ma ia maua mai se auaunaga lelei mo au tupe totogi.
E taua le kopi o ni mea fou e fa’afou (update) ai ‘apps’ o lo’o puipuia lau ‘device’ mo nisi foi fa’afitauli fou e tula’i mai.
- Ia siaki pea lava pea vaega ‘ese’ese (settings) o lau ‘device’ ina ia malupuipuia lelei.
- Ia fa’a-vaitaimi ma siaki le nofoaga o le kamupani (website) mo lau ‘device’ ina ia fa’afou le itu’aiga o lau telefoni po’o le ma’a.
- A’o le’i fa’apipi’iina lau ‘device’ i lau komepiuta, ia fa’amautinoa ua iai i lau komepiuta polokalame fou e puipuia ai (o le antivirus/ antispyware/firewall).
- Afai e te talaina ni au tupe mai i le faletupe e ala i le fa’aaoga o lau ‘device’ ia fa’amautinoa o ni ‘apps’ na e fa’aaogaina ia fa’asalalau atu e le faletupe.
- Ia matua mata’alia mo ‘fale pepelo’ (fake stores) pe a kopiina ni ‘apps’ – ia kopi mai (download) i kamupani ua iloga ma iloa.