Sauaga i luga o le laina e fa’atatau i itūpā ‘ese’ese

Ua suia e le initaneti lo tatou agava’a e maua ai faʻamatalaga, e fesoʻotaʻi ai ma isi, e faʻaalia ai o tatou manatu, faʻasoa o tatou lagona ma auai i talanoaga e uiga i soʻo se autu tatou te filifilia. O le tekinolosi ua mafai ona aofia ai le toʻatele o tagata i le taimi e tasi, pe naʻo tagata taʻitoʻatasi poʻo vaega laiti. O lona taunu’uga, o lenei avanoa ma le sa’olotoga o le fa’aaliga o lagona o lo’o fa’atinoina ai se sao taua i le fa’atagaina o le lautele o aiā tatau a tagata.

Ae ui i lea, o le natura masani ma le le pulea o le initaneti ua mafua ai ona maualuga le tulaga o sauaga i luga o le laina, i tinā, tama’ita’i ma isi itu’aiga o lo’o sili ona a’afia ai.

O lamatiaga

O sauaga i luga ole laina o lo’o a’afia ai tinā, tama’ita’i ​​ma fa’apotopotoga o le SOGI (Sexual Orientation and Gender Identity) e aofia ai:

• Taufa’amata’u o feusua’iga fa’aletino ma isi sauaga
• Fa’afeusua’iga po’o isi itu’aiga o taufa’amata’u
• Cyberstalking
• Feusua’iga ma taufa’aleagaina o itūpā ‘ese’ese
• Sexting
• Fa’asalalauina o ata mātagā, vitiō po’o leo e le fa’atagaina
• Mauaina fa’amaumauga fa’alilolilo fa’agaoi
• Faia ma fa’asalalauina tala fa’asesē e uiga i le tagata a’afia
• Taumafai ma taumafaiga ua manumalo i faiga taufa’afefe
• Doxxing (mauaina fa’amatalaga fa’alilolilo a le tagata ma fa’asalalau i luga ole laina)
• Zoombombing (o ata mātagā o loʻo faʻaalia i taimi o vitiō telefoni poʻo fonotaga, e tagata e leʻi valaʻaulia)

So’o se mea o lo’o ta’ua i luga, e mafai, ma e i’u ai i ni taunu’uga matuiā ma le le taliaina atoatoa i le tagata e amata mai i le tulaga sili, le māasiasi, i le mea e sili ona leaga, le toe amana’iaina ma manu’a matuiā o le mafaufau e o’o atu ai i le nofo fa’a’esea, fa’aleagaina o ia lava ma e o’o lava i le pule i le ola. Ae maise lava, o tagata āfāina e masan fo’i ona o ese mai le faʻaaogaina o le initaneti, e le gata ina ia le toe mauaina le avanoa i ana penefiti uma ae maise o le fa’alototeleina mo avanoa i aiā tatau a tagata soifua.

E mafai ona sili atu le leaga o lenei mea ona o le tele o taimi, o tagata ua āfāina i sauaga i luga ole laina e avea ma taula’iga mo tuʻuaʻiga, ona o latou manatu, amioga faʻalilolilo poʻo lo latou taumafai pea e puipuia pe te’ena lo latou faʻaleagaina.

O sauaga i luga ole laina e fa’atatau i itūpā ‘ese’ese e mafai ona fa’aalia i se mea fa’ato’a tupu, pe sili atu fo’i, ua fai o se amio e faifai pea. E ono fa’atapula’aina i auala i luga ole laina  e pei ole imeli, SMS, fa’asalalauga sa’o,  fa’asalalauga fa’alaua’itele po’o ‘upega tafa’ilagi, po’o le fa’atinoina fa’atasi ma faiga ‘fa’alelalolagi’ o lea lava itu’aiga sauaga. O le ‘ese’esega tele i le va o le lua ona o le natura vairusi o le initaneti, e mafai e tagata solitulafono ona faʻasalalau le sauaga i so’o se mea.

E le na’o i latou na amataina le sauaga e tu’ua’ia mo mea leaga ua faia, ae o i latou fo’i e lagolagoina sauaga mo le tagata manu’a, pe fa’asalalauina atu e ala i a latou lava auala, e aofia ai le tautalaga i totonu o latou lava nu’u (o nisi taimi latou te le iloa a latou mea o lo’o fai).

O le faʻatupuina o sauaga faʻatatau i itūpā ‘ese’ese i luga o le laina ua faʻatupula’ia tele talu mai le pepesi o le faʻamaʻi COVID-19. O le siʻitia talu ai nei i faigata tau tamao’aiga, faʻatapulaʻaina o feoa’iga, faʻanofo ‘esea feso’ota’iga ma faʻafitauli o le soifua maloloina o le mafaufau, o le ala lea, na saunia ai le si’osi’omaga lelei mo tagata solitulafono.

O le mea e fai pe afai o lo’o tulimata’ia oe e sauaga fa’atatau i  itūpā ‘ese’ese

Talanoa i se tagata o le aiga, uo, pa’aga poʻo se faia’oga e te faʻatuatuaina e le faʻamasinoina oe pe faʻasalalau pe lipotia ou popolega i le nu’u lautele.

• Lipoti mea e tutupu i pule’aga talafeagai.
• Aua le tali atu pe fa’aalia se manatu i le tagata solitulafono po’o i latou e gafa ma le fa’asalalauina o sauaga, aua o le a fa’atupuina ai isi fa’alavelave e aofia ai le taufa’amata’u fa’afuase’i.
• Poloka le tagata solitulafono ma i latou o loʻo faʻasalalauina sauaga.
• Afai o le sauaga e foliga mai o faiga fa’alilolilo e fefaʻasoaaʻi i luga o le laina, lipoti i luga o le ‘upega tafaʻilagi poʻo auala o faʻasalalauga lautele e talafeagai ai, talosaga ina ia ‘ave’eseina ma poloka le tagata solitulafono.
• E mafai ona e lipotia le taufa’amata’u i luga ole laina, ata taufa’afefe po’o isi itu’aiga o sauaga i luga o le laina, i Leoleo.
• Lipotia taufa’amata’u o manu’a fa’aletino, taufa’amata’u, taumulimuli, faiga fa’amalosi po’o le fa’asoa atu o mea fa’alilolilo, i Leoleo.
• Afai sa e tigaina i sauaga fa’atatau i itūpā ‘ese’ese i luga o le laina, e mafai ona e su’eina se fesoasoani fa’apitoa mo le mafaufau. E tatau ona mauaina faʻamatalaga e ala ile suʻeina i lug o le laina. E iai fo’i le tele o nu’u fesoasoani talafeagai i luga o fa’asalalauga o feso’ota’iga, a ia mautinoa so’o se fesoasoani ua e filifilia, e fa’amaoni.

Afai e fa’aosoosoina oe e te lamalamaina so’o se tasi o lo’o iai so’o se itu’aiga o sauaga o lo’o ta’ua i luga, pena amataina e oe lava po’o se isi tagata,ia e toe mafaufau, ia e mafaufau i le a’afiaga o le tagata ua e fa’amoemoeina ma e te ono faia iai se solitulafono. E fa’apena fo’i i le lafo atu po’o le fa’asoaina atu o lenei itu’aiga faigai i isi, i luga ole laina po’o le leai fo’i.