O mea e ono tutupu
O le feso’ota’i i lau Wi Fi, o lona uiga o lau smart TV e ono fa’aaogaina e aunoa ma lau fa’atagaga, e ono tutupu ai mea nei:
- O au va’ava’aiga (browsing) ma se tala’aga o mea na e faia i luga o le upega tafailagi, e ono va’ai iai isi ma fa’aaoga e fa’asagatau mai ai ia te oe ona o faiga fa’asolitulafono. A le o lena, e fa’aaoga nei mea e lamatia ai oe e ala i ni fe’au fa’asalalau.
- O le lama o oe e ala i fa’asalalauga fa’avavevave e uiga i mea o lo’o e matamata ai i le smartTV i le taimi lava lena.
- O lau smartTV ma lau mea pu’eata o le komepiuta (pe afai o fa’apipi’i) e ono osofa’ia ma matamata mai ai tagata i mea a lou aiga o fai, ae po’o a foi ni mea o i lou fale.
- E ulufale mai ma iloa au faila, ata po’o nisi mea o i totonu o (usb sticks) o lo’o palaka i lau smartTV.
- O lau smartTV e ono fa’aaoga o se vaega su’esu’e o le upega tafailagi (botnet) e masani ona fa’aaoga e osofa’i ai kamupani tetele ma nofoaga (websites) a le malo.
Malupuipuia o mea tau ia te oe.
- Afai e te le mana’o e iloa e nisi mea tau ia te oe lava, ia ave’ese le smartTV mai i le upega tafailagi. O lona uiga o le a e le toe mafaia ona fa’aaoga ona auaunaga i le upega tafailagi.
- Afai e te popole na o lau mea pu’eata o le komepiuta (webcam) ma le (microphone) ina ne’i osofa’ia e se isi, ia pupuni nei mea i se tape, po’o se note e pipi’i (sticky note). O le a taofi ai foi ma lou pulea o le TV pe a taofi vaega ia.