O mea e ono tutupu
- Fa’asalalauga pepelo e uiga i galuega e i’u i le taufa’asese ma le gaoia o mea e tau ia te oe.
- Imeli taufa’asese e fa’atosina oe i nofoaga pepelo (fake websites).
- Telefoni taufa’asese e te sese ai o se talanoaga mo se galuega.
- Galuega i le fale e pepelo e ono le totogia ai oe mo galuega ua e faia, pe e te totogia ai foi tusi lafo po’o telefoni na fai.
- Pepeloina o oe ma e totogia ai tupe mo se galuega e le mautinoa.
- Pepeloina o oe ma e totogia ai tupe mo ni siaki a leoleo po’o isi sekulati, ae le moni.
- Tusiina o pepa mo galuega ae totogi tupe.
- Fai o se solitulafono ma le le malamalama atoa.
- Fa’ailoa mea tau ia te oe po’o au tupe i pepa fa’atumu. Fa’ailoa o mea tau ia te oe ma au tupe i lau pepa apalai mo galuega (resume).
- Tagata solitulafono e osofa’i au faila.
- Ta’u i lau pule ma lou le malamalama atoa o lea e su’e sau galuega fou.
- O le le malu o oe i pule o galuega e fa’afoliga ae le moni.
- Lamatia e vairusi ma polokalame sipai.
Lesitala i Nofoaga Malupuipuia mo Galuega
- Afai e te lesitala mo se nofoaga e maua ai galuega, siaki o se nnofoaga (site) lelei ma e iai se tuatusi ma se numera o se telefoni.
- O le tele lava o nofoaga e leai se afaina pe e te mana’o e ‘public’ (fa’alauaitele) pe ‘confidential’ (le fa’aalia) , pe ‘private non – searchable ‘ (e le mafai e se isi ona su’eina) mea uma tau ia te oe. O nofoaga lelei latou te fa’amalamalamaina le ‘ese’esega mo lau filifiliga i le mea e fetaui ia te oe. Aua le fa’alauaiteleina mea tau ia te oe e pei o le numera o lau inisiua, o lou laisene, tusitupe, credit cards, passport, ma lou aso fanau. Ia filifilia upu tatala e malu ma aua le ta’uina i se isi.
O lou pepa e su’e ai galuega
Aua le fa’alauaiteleina mea tau ia te oe e pei o le numera o lau inisiua, o lou laisene, tusitupe, credit cards, passport, ma lou aso fanau.
Ia fo’ia le fai fa’anana o tupe.
O nisi faiga fa’anana o tupe e fa’aoga ai tusitupe a isi tagata e tagata solitulafono. ‘Aua le fa’alauiteleina tulaga o lau tusitupe se’iloga e te mauaina se galuega e tusa ai ma le tulafono.
Ia fo’ia mea taufa’asese
Afai e te mauaina se imeli mai se fale faigaluega sa va’ai i lou pepa faigaluega i se nofoaga (site) ia fa’aeteete ma fa’amautinoa o se galuega e tusa ai ma le tulafono.
Galuega i le fale
O nei mea e fiafia tele iai tagata taufa’asese. Ia mataala i galuega e pei o fafao teutusi, faiga o pili, mea tau i le falema’i ma mea fa’apena. O pule o nei galuega e tatau ona latou taliina ni fesili e uiga i a latou polokalame.
O nisi nei o fesili e tatau ona e fesili iai:
- O a au galuega e fai (tulaga uma o le galuega)
- O se galuega e totogi i vaiaso uma pe e totogi komisi. O ai e totogia oe.
- O afea lou totogi muamua.
O nisi vaega
- Ia fa’amautinoa o se galuega moni ae le’i faia se fa’atalanoaga ina ia malupuipuia oe.
- Ia fa’aeteete i galuega i luga o feso’ota’iga o iai mea e tau ia te oe.
- Ia fa’amautinoa o iai tulaga e puipuia ai oe e pei o polokalame o antivirus / antispyware / firewall ae e te le’i fa’aaogaina le upega tafailagi.
- Va’ai le nofoaga mo galuega UK SAFERjobs (safer-jobs.com) mo nisi fautuaga mo le puipuia i le su’eina o galuega.