Suia o le Windows 7

Mea e ono tutupu

• Ona ua le toe iai se faafouina o galuega faapolokalame a le komepiuta aua lona ia lava saogalemu, o se vaivaiga lea aua o le a avea ma mea e aafia gofie ai le komepiuta o lo o faaaogaina le Windows 7 i ni gaioiga taufaaleaga ma faagaoi mai fafo. O lo o iloa lelei lava foi e le ‘au taufaaleaga ma le ‘au gaoi lenei
• O gaioiga faaleaga nei e faaaoga e tagata solitulafono, ina ia:
• Gaoia faamatalaga patino ia oe ma faamatalaga tau tupe mo le faamoemoe e faaaoga, ia maua mai ai ni mea
• Aafia lau komepiuta i se polokalame faakomepiuta e faatonu mai oe e totogi atu se tinoitupe ina ia mafai ona toe lelei lau komepiuta
• Gaoia ou faamaumauga mo le faamoemoe e faaaoga lou igoa e fai ai ni tusi tupe, tusi folau ma nisi
• Faatonutonu mai ai au imeli ma isi fesoota’iga.
• Avea lau komepiuta o se tasi o masini o se felavasi’aga o komepiuta e osofa’ia upega tafa’ilagi a kamupani tetele ma le
• E ono le faigofie le vaaiga ma le faaleleia o lau Windows 7.
• O le a faatupula’ia le aofa’i o polokalame faakomepiuta ma masini fe’avea’i e le ola faatasi ma le Windows

O Nisi Mea e ono tutupu mo Pisinisi

• E le gata i mea e ono tutupu ua ta’ua i luga, ae faapena foi ona faaeteete i ono faaulufale mai i lau komepiuta ni aafiaga e i’u ai ina mafai e nisi ona iloa ma gaoia faamatalaga e faatatau ia te oe, ona avea lea ma mea e feteena’i ai ma aiaiga o inisiua faapea tulaga tau tagata faatau.
• Ua le tutusa le fausaga o komepiuta o iai nei, ua tele ai ina le faaaogaina auaunaga mo le Window 7

‘Ae e te le’i faataunuuina faautuaga o mulimuli mai, e taua lava lou kopiina o au galuega uma o lo o i lau komepiuta ina ia mafai ona toe maua ma faaaogaina i luga o se isi massini.

Faafou lau Komepiuta

• O le mea iloga e mua’i fai o le setiina lea ma le tuuina i totonu o le komepiuta o le polokalame ua ta’ua o le Windows Peita’i, o le tele o komepiuta tuai, o le a le mafai ona latou faatamo’eina ma faaaogaina le polokalame lenei, ona o le fou ma le tele atu o mea faatulagaina e mana’omia mo le Windows 10. O lo o fautua mai le Microsoft e siaki iinei pe talafeagai lau masini ma le polokalame.
• E iai le avanoa e mafai ai ona ono faafou ma siitia (update) le Windows 10 e aunoa ma se totogi, ae iai ona aiaiga. A lelei le ituaiga o le Windows 7 o faaaogaina nei ma sa faaolaina e le Microsoft, e iai le avanoa e le totogiina ai lona faafouina ma le siitiaina mai le faeoloa o le
• Afai e le gafatia e lau komepiuta o iai ona faaalu ai le ituaiga fou o le Windows, e tatau ona faatau se Windows fou.
• A faatau se komepiuta fou, e mana’omia le siitia mai o faamaumauga uma mai o lau Windows 7 tuai i le mea fou.
• A le fia suia ma le fia faafouina lau komepiuta, e iai isi auala e pei o le faaaluina o ni polokalame se lua i le taimi e tasi, ua ta’ua o le ‘dual booting’ , e o gatusa ma le ituaiga polokalame ua ta’ua o le Linux. O le a mafai ai ona faataunuu au galuega uma i luga o le upega tafa’ilagi mai le Linux, faapea galuega e le faaaogaina ai le initaneti. E tele le taimi e alu i le faaolaina ma le setiina, ae e tele lava upega tafa’ilagi e maua mai ai fautuaga ma le
• E lelei foi le sui o se komepiuta fou ae faaalu i se isi paepae (platform) ese, e pei o le Apple Mac o lo o tele ina faaaoga nei, po’o nisi foi o tusi o le augatupulaga fou ua a’e mai nei e pei o le Google’s Chrome, po’o tusi a le ituaiga lava ia o le
• E lelei fo’i le mafaufau pe e mana’omia pea se komepiuta tele i luga o le kesi po’o se komepiuta feavea’i, aua o le tele o gaioiga ua mafai uma lava ona fai i le tablet. E tele naua ituaiga eseese mai le 50 pauni sei oo atu i le selau ma ona tupu pauni.

Pisinisi & Tausinioga

O Pisinisi ma tausinioga o lo o faaaogaina pea le Windows 7 e tatau ona vave faaaoga se auala e sii ai i se isi paepae. O lona uiga e faaalu le tupe mo komepiuta fou faapea ni polokalame fou.

Pisinisi Laitiiti ma Pisinisi Feoloolo:

E tele avanoa mo pisinisi laiti ma pisinisi feoloolo e manatunatu ai e siitia agai i se komepiuta fou e saoasaoa ma tele atu mea e faia. E tatau ona talatalanoa i se tasi e paaga ma le Microsoft e malamalama lelei i ou mna’oga. A talafeagai lau komepiuta o iai nei ma le Windows 10, e mafai ona e faatauina le Windows 10 Professional mai se paaga a le Microsoft. Afai ae le talafeagai lau masini ma mea e moomia, faatau se komepiuta fou e iai le Windows 10 Pro.

Pisinisi Tetele ma Tausinioga:

Ua ofoina mai e le Microsoft mo fa’alapotopotoga tetele ni punaoa e tatau mo mea fa’atekolonosi, e pei o meafaigaluega, ma se taitaiga atamai e faamāmā ai le fa’atinoina I totonu o lau fa’alapotopotoga ma le fa’afaigofie ai le fa’atonuina o Windows, Office ma le Internet Explorer ma isi mea tekonolosi. Afai e te fia aoao atili e uiga i le feaveaiga ma le fa’atinoina o nei polokalama, faafesootai lau sui mo Microsoft Sales po o se tasi o paaga faamaonia a le Microsoft.

Siitia i le Windows 10

Mo le siakiina pe mafai ona faafou e aunoa ma se totogi, alu i le ‘Control Panel’ o lo o i le Amataga – Start Menu, filifili le ‘System and Security’, sosoo ai ma le System. Alu i le pito i lalo o le itulau: o loo faailoa mai ai pe ua iai lou laisene. E tatau ona iai i lau komepiuta le ‘Windows 7 Service Pack 1’, e moomia lea mo le amataina o le Windows 7 ma e iloa ai foi o lo o lelei lau komepiuta.  O le tuatusi lea www.microsoft.com/en-gb/windows/windows-10-specifications e siaki ai pe ua talafeagai lau komepiuta ma ta’iala e siitia ai i le Windows 10.

Kopi au faila aga’i i le ‘ao’ o lo o teu ma taofi ai au faamaumauga po’o se isi nofoaga faatuatuaina , ia ‘aua ai ne’i leiloloa faila i le taimi e faataunuu ai le sii.

Ia maua mai le http://www.microsoft.com/en-gb/software-download/window s10 le ‘’Windows 10 Media Creation Tool’’ ma filifili le ‘Download tool now’. A maua le faila, tatala ma faitau, ma ioe i ona aiaiga. Filifili le ‘Upgrade this PC now’. Afai e le lava le avanoa i totonu o le nofoaga tutotonu e teu ai faamaumauga “hard drive”, e ono mana’omia le faaavanoa ia mafai ai ona faatamo’e le amataina o le polokalame mai se USB stick. E mulimuli lava i sitepu mo faatonuga.

O le a fesiligia oe pe e te mana’o e tuu pea au faila ma au polokalame. Afai e te mana’o e amata faalelei ma ua uma foi ona kopi au faila, o le a mafai ona toe fesiita’i au faila ma au polokalame e te mana’o ai i lau komepiuta tuai se’ia oo ina toe fia mana’omia fo’i. Afai e te filifili e te le toe fia teuina ni faila ae e te ono mana’omia i se taimi mulimuli ane, ia mautinoa e ia te oe le ki o le laisene.

Ua mafai loa ona sii ma faafou polokalame o lau komepiuta. E ono alu mo ni nai itula, e fuafua lava i le masau o le initaneti faapea fesoota’iga ma lau komepiuta. E toe amata lava e le komepiuta ia lava pe faatolu pe sili atu foi, se’ia oo ‘ina vaaia foliga faafeiloa’i o le Windows 10 . E fesiligia oe i faamatalaga lilo e uiga ia te oe ona fai mai lea e te saini i le Microsoft pe a o iai sau itulau i le Microsoft. Su’e ma kiliki i le upu ‘activation’ o lo o i le Amataga (Start Menu) e iloa ai pe ua ola lau laisene o le Windows 10.

Pe a oo ina Tia’i le Komepiuta Tuai

Manatua,e taua le faate’a ese faalelei o lau komepiuta tuai, ona o mafua’aga nei:

• O faamaumauga uma ma faamatalaga o lo o i luga o lau komepiuta, e faigofie lava ona maua, tusa pe faatau ese atu, pe ave e faaaoga eseese ni ona itutino, pe e te ‘’tapeina’‘ foi ni mea o iai, e faigofie lava ona toe maua uma faamatalaga e tagata leaga. O le faate’a eseina o komepiuta ia fai faalelei ia saogalemu mo le si’osi’omaga aemaise ia ‘aua nei solitulafono.

Faamolemole tagai i la matou fautuaga mo le aveeseina o lau komepiuta ma uiga faasaogalemu, pe a fia mautinoa le faiga faaleleia.