Ta’alo i ta’aloga

O su’esu’ega na maua mai e le Get Safe Online e iloa ai fuainumera nei e uiga i ta’aloga a matua ma fanau i luga o le upega tafailagi:

• 51% e popole i le malupuipuia o lona alo.
• 37% ua le mafai ona pulea ta’aloga a lona alo i luga o le upega tafailagi
• 24% e le o iloa mea e ono tutupu i le ta’alo o lona alo i ta’aloga  i luga o le upega tafailagi.
• 25% e iloa ua fa’ailoa e lona alo mea tau ia te ia lava i luga o le upega tafailagi.
• 34% fai mai ua talanoa lona alo i nisi na te le iloaina, a’o ta’alo i luga o le upega tafailagi
• 16% fai mai ua fa’afefeina pe sauaina i upu lona alo.

O mea e ono tutupu

O le tele lava o mea e tutupu, ona o le toatele o tagata o lenei atunu’u ma isi atunu’u e ta’a’alo i le upega tafailagi, ona o le le tele o ni tulafono, ma e le o va’ai tino foi le tasi i le isi. O le mea lea e le o iloa ai e lou alo po’o ai o la ta’a’alo, po’o talanoa foi iai, ae po’o a foi mea o lo’o mana’o ai. O le mea e fa’anoanoa ai, o le maua ai lea o avanoa o tagata leaga e mana’o i faiga aiga, e taufa’afefe, e taufa’asese, ma isi solitulafono uma, ina ia a’afia lou alo, ma ua amata lava ona ta’atele lea tulaga. Ua tele mea e tutupu ona ua amata lava on tele ta’aloga e faia i luga o telefoni fe’avea’i ma isi ‘devices’, ae le o le komepiuta faitele a le aiga. Ua faigata ai ia te oe ona iloa po’o a mea a lou alo o lo’o fai i luga o le upega tafailagi.

O isi mea e tutupu:

• O le ta’alo o lou alo i ta’aloga a tagata matutua e le fetaui ma ia.
• O le tele ai o le pili o lau ‘credit card’ pe afai e mafai ona ia maua.
• O le tele o le taimi e ta’alo ai, ae le alu e fa’amalosi tino, feiloa’i ma isi, ma fai meaa’oga.

Ia malupuipuia le ta’alo o lou alo i luga o le upega tafailagi

• Ia talanoa i ou alo e uiga i ta’aloga i luga o le upega tafailagi, ma mea e ono tutupu mai.
• A’oa’o ou alo e uiga i le leaga o le fa’amatu’u atu o mea taua tau ia i latou lava e pei o imeli, tuatusi o le fale, tagata o lou aiga, po’o ni mea tau tupe.
• Ia fa’amalamalama iai e le o tagata uma e moni o latou igoa ma mea o lo’o ta’u mai, ma e le iloa pe leaga se mea o mana’o ai.
• Fai i ou alo e ‘aua le taliina ni imeli taufa’afefe po’o nisi mea taufa’aleaga, ae lipoti sa’o mai lava ia te oe.
• Ta’a’alo fa’atasi ma ou alo i lea taimi ma lea taimi i luga o le upega tafailagi, ina ia e iloa po’o a ta’aloga o lo’o ta’a’alo ai, ae o ai foi o lo’o latou ta’a’alo.
• Ia fa’atapula’a le umi o taimi e ta’a’alo ai ou alo i luga o le upega tafailagi i aso ma vaiaso.
• Siaki le tausaga fa’ataga o ta’aloga o lo’o ta’alo ai lou alo, ina ia aua ne’i o’o i mea e le fa’atagaina. E iai le mafua’aga o le 18.
• Aua le aveina i lou alo lau ‘card’ po’o ni vaega o iai, aua e uma ane ua e fiu e totogi le pili.

Mo ni tali i fesili masani a matua ma tagata ta’a’alo, e uiga i ta’aloga o le vitio, tausaga fa’ataga, ma ni fautuaga ina ia malupuipuia le ta’alo i luga o le upega tafailagi ia siasila i le:  http://askaboutgames.com