O ituaiga tala pepelo e lua
- O tala le moni e fai ina ia a’afia ai lou mafaufau ma au tonu, asiasi i nofoaga (e ono taufa’asese pe iai mea e te mana’o e te va’ai iai) e fa’atalitonuina oe i ni mea po’o ni auaunaga e le moni.
- Tala e moni na o se vaega, e pei o le lipotia mai o se mea moni sa tupu ae o lona fa’amatalaina e le moni. O lenei ituaiga tala fou pepelo e faia ina ia fa’asalalau ai manatu ma talitonuga o le tagata po’o le fa’alapotopotoga latou te faia ma a’afia ai tagata faitau. E iai foi tala fou e mafua mai lava o tala fa’atupu ma talu ai o le toatele o tagata latou te le siakiina le amataga o nei tala, e vave lava ona salalau.
O nisi tagata latou te pepelo mai o tala moni o ni talafa’atupu aua e le ‘au iai pe le fiafia foi iai
- O auala e tu’u’ese’esina ai tala moni, ma tala e le moni. Fesili oe ia te oe pe fa’amata e tupu moni lenei mea. Ia mafaufau lelei iai pe aisea ua tusi ai, po’o taumafai e sui lou mafaufau, fa’atau mai se mea, pe ta’ita’iina oe i se isi nofoaga (website) pe fa’ate’i foi oe.
- O iai foi se isi o lipotia lenei lava tala? Siaki po’o lipotia foi e alaleo ma nofoaga iloga e pei o le BBC, ITN, po’o le Sky News foi.
- Su’esu’e i le amataga. Su’esu’e tagata na latou amata fa’asalalaua po’o ni tagata iloga ma ni tagata e talitonuina, pe na o ni mafaufauga lava o se tagata e toatasi. Va’ai pe e te maua ni tusitusiga e le fa’aitu’au o le tusitala.
- Siaki mea e moni. O tala fou e moni, e lagolagoina e mea moni sa tutupu, ma sa lipotia muamua foi. O le tele o taimi, e manino lava po’o le tala fou e moni po’o se tala fa’atupu.
- Siaki ata. O ata e omai fa’atasi ma tala fou e le moni, e masani ona toe teuteu ina ia fa’amalosia le tala, ae le lelei ona fai. Ia su’e pe moni le ata i le fa’aaogaina o le Google Reverse Image, e iloa ai pe na gaoia le ata mai i se isi mea.
- Fa’aaoga ou lagona. Manatua so’o se mea lava e foliga ua ova le moni ma le manaia ua pepelo, o le pepelo lava lena.