E le fa’apea a e talia aiaiga (Terms & Conditions) ona fa’apea lea ua mae’a lelei ona e faitau iai. O le to’atele o tagata latou te le faitauina lelei, aua a le umi tele aiaiga, e manatu lava latou o lo’o lelei ma talafeagai ma le tulafono. E taua lou manatua lelei afai e te talia ni aiaiga ua aumai, o lo’o iai i totonu konekalate e fa’amalosia e le tulafono. E tatau la ona e faitau ma malamalama lelei iai ae e te le’i taliaina. I lou taliaina, ua e ta’u atu foi ua e malie atoatoa i le maliliega ua outou faia ma le o lo’o aumai ai polokalame (supplier) atoa ma le e ona le nofoaga i le upega tafa’ilagi (website owner.)
Taliaina o aiaiga
I lou fa’aaogaina o le Upega Tafa’ilagi, e tatau ona e taliaiana ni aiaiga (Terms & Conditions) ae e te le’i va’ava’ai i ni mea e fa’atau, teu pe nono mai sau tupe, kopiina o mea ‘ese’ese, atoa ai ma isi lava mea.
O isi taimi e na o le tasi lava le taimi e te mana’omia ai le talia o aiaiga – o le fa’ata’ita’iga, pe afai ua uma ona fa’ailoa oe i luga o le komepiuta ma ua fai sau (user account.) Ae peita’i o nisi taimi, e tatau ona ‘o’omi le talia po’o le amata o aiaiga (Accept / Proceed) i so’o se taimi lava e te faia ai se galuega e pei o le kopi o ni mea fou i lau komepiuta / telefoni mai i se isi komepiuta (downloading software updates.)