O tagata e lavevea i loyalty schemes e tele a latou credits e maua ai, e fua lava i a latou faatauga ma poo fea e fai ai. Ae o le mea e leaga ai, ua lamatia ai latou e tagata taufaasese e ala i auala nei:
- O le toatele o tagata e tutusa lava details e faaaoga i a latou accounts uma. Afai la e osofaia se account se tasi, ua le aoga uma ai isi accounts.
- O le toatele o tagata e faia ia schemes, e le tutusa lo latou malupuipuia e pei o faletupe.
Ae talu ai ona e le maua i tino ni tupe i schemes, o le toatele o tagata e talitonu o se ponesi e le maua pe ana le faia lana faatau – e le popole tele la i le scheme card poo le account lea , ae sili atu ona popole i le account i le faletupe. O le auala tonu lava lea e ui mai ai tagata taufaasese.
O mea e ono tutupu
O le faoa o lau account ona:
- o le faaaoga o au details lava e tasi pei o isi accounts ua faaleagaina, e ono tupu i tagata ua leva a latou accounts ma sa le manaomia i la aso ni passwords malolosi.
- o le faaseseina o oe e faailoa atu lau card serial number i luga o le upega tafailagi, i talanoaga, poo luga foi o le telefoni.
- o le leiloa poo le gaoia o lau card.
- ua mafai ona kopiina (cloned) lau card e se isi.
- o le faaaoga o apps a isi fa’alapotopotoga i ni au fesootaiga, e mafai ai e i latou ona maua lou igoa, aso fanau, tuatusi, telefoni, ma isi mea. O na apps e ono le malu pe pepelo foi. E mafai ai foi e tagata e ona na apps ona faatau atu au details i isi faalapotopotoga, ona maua mai ai lea o telefoni, imeli ma texts e te le manaomia, ma e leai ni aoga ia te oe.
O auala e foia ai le taufaasese e ala i le loyalty card
- Ia tausi lelei lau loyalty card e pei lava o lau bank poo lau store card. Manatau o se mea e tele lona aoga.
- Aua nei faailoaina le numera o lau card i soo se isi, vagana ai lau provider, poo se faalapotopotoga o iai ni au points. O le taufaasese e auala mai lava i soo se mea – imeli, telefoni, text, o se link e fesootai atu ai, o se media post poo se taaloga tauvaga.
- Afai e maua mai sau telefoni, imeli, poo se text ae e te masalosalo e taufaasese, ia e vili iai i le numera o i tua o lau card pe moni pe leai.
- Aua nei pu’eina se ata o lau loyalty card i luga o le social media.
- Filifili se password malosi ma aua nei faaaogaina i se isi account.
- O Fautuaga nei mo accounts uma lava i luga o le Upega Tafailagi:
- Ia sui lau password mai lea taimi i lea taimi i se isi password e matua ese lava – ne’i te’i ua maua e tagata solitulafono lou igoa ma lau password tuai ma pasi solo i isi tagata leaga.
- Ia e log-out ma lau account pe a uma ona e faaaogaina. E le lava le na o le tapuni o le itulau (page) poo le app e te malupuipuia ai.
- Aua e te faaaogaina au details pe a faaaoga se isi faalapotopotoga i au fesootaiga (third party) ae le o le fa’alapotopotoga o fai ai lau loyalty scheme. O tagata moni o loo faia lau loyalty scheme, e leai se latou fesootaiga ma isi apps, ma e leai foi ni a latou aiaiga e aafia ai fua isi apps. Afai e te faaletonu i se mea, ia e fesili i tagata moni o loo gafa ma tulaga na (loyalty scheme.)
O nisi fautuaga
- Ia fai ma siaki le paleni o au points i le ofisa poo luga o le upega tafailagi.
- Afai ua faaseseina oe i le loyalty scheme, ia faafesootai loa tagata latou te faatautaia e ala i faamatalaga (details) o loo i le latou nofoaga o faamatalaga (website.)