Mea e ono tutupu
E fa’afeso’ota’i mai oe i se feiloa’iga, fe’au fa’auaealesi, o se fa’asalalauga i luga o le upega tafailagi (e aofia ai se ta’avale i le mea e fa’atau atu ma fa’atau mai ai) o se tusi po’o se pepa e iai se ofo mai o inisiua taugofie. Afai e te iloa o le inisiua e taufa’asese ae fa’atau lava, ae maua oe o e aveina le ta’avale e le inisiuaina:
- E ono molia oe i le tulafono
- E ono ave le ta’avale ma fa’aleaga.
- E ono a’afia ma fa’aleagaina lou olaga
- E le totogiina se tupe mo le inisiua pe a tupu se fa’alavelave e manu’a pe maliu ai se isi.
E pei ona fa’amalamalama atu, o tagata nei e tele tuatusi pepelo latou te faia, ma e ui lava ina e le fa’atauina se inisiua pepelo, e ono lisiina lava oe o se tagata e iai ia inisiua
Ia malupuipuia oe mai inisiua taufa’asese
Ia fa’atau mai se inisiua i:
- Se tagata fai inisiua ua iloga.
- O se kamupani inisiua e te fa’afeso’ota’i sa’oina, po’o i luga o se nofoaga e iloga (recognised site).
Afai e iai sau inisiua ae e te le mautinoa pe moni, ia fa’afeso’ota’i sa’o le kamupani – ae le o le tagata na lua feso’ota’i ina ia siaki lelei.
Ia toe mafaufau – aua le vave faia sau inisiua ma so’o se isi, vagana ai tagata o lo’o lisi atu i luga, e tusa lava pe faigata pe taugata ona maua mai.
Ia puipui lou tuatusi mai tagata taufa’asese
Afai e te lagona ua fa’aaoga lou tuatusi e tagata inisiua taufa’asese, ia fai mea nei:
Ia siaki au meli ina ia fa’amautinoa o feso’ota’iga uma e mo oe, ae le o se tagata e nofo i lea nofoaga. Afai e te maua ni pepa inisiua mo se tasi e leai sea feso’ota’iga, vala’au le tagata inisiua na ia lafoina mai, ma fai iai e te fia talanoa i le matagaluega mo faiga taufa’asese. Manatua afai o fa’aaoga e tagata inisiua tafa’asese lou tuatusi, e ono a’afia ai lou mauaina o se inisiua moni i le lumana’i.
Afai ua fa’aseseina oe, pe ua e iloa foi ua fa’aaogaina lou tuatusi e tagata taufa’asese inisiua, ma pe iai foi se mea e te iloa i nei ituaiga taufa’asese
- Ia lipotia i leoleo
- Ia lipotia i le kamupani o lo’o ta’u mai e le tagata taufa’asese e lavea ai.