O nei imeli e te ono maua i so’o se taimi lava o le tausaga, ae o le taimi pisi lava o le tausaga e fa’atetele ai aua o le tele o tagata o lo’o mafaufau i a latou tupe o lafoga. E masani ai, o le tele o imeli pepelo e lipotia i le ofisa o lafoga, ma ua fa’asolosolo lava ina tele ai nofoaga pepelo (hoax sites) ua tapunia.
O mea e ono tutupu
- Afai o oe o se tagata totogi lafoga, pe iai foi se isi au pisinisi ma le ofisa o lafoga, e ono e maua mai se imeli taufa’asese e mana’o mai i au (details) ma e maua ai e ia tagata le auala e gaoi ai au tupe.
- O le isi auala latou te fa’aogaina, o lou maua mai o se imeli e fa’apipi’i mai ai se tusitusiga (document) e foliga e moni, ae fa’aleaga ai au faila, gaoia ai mea tau oe, sipai ia te oe, pe fa’afefe foi oe ina ia totogi atu ai tupe.
- O le isi mea e ono tupu o le fa’asino o oe e fa’aaoga auaunaga e le alaoa’ia ma e le o se ofisa o lafoga. Latou te matua tu’u i luga le tau, e masani ona fai fua pe fai foi i se tau maualalo e le malo. O mea nei e ta’u o copycat websites (nofoaga e kopi auaunaga).
Puipuia o oe
- Manatua o le ofisa o lafoga ma isi ofisa o le malo, latou te le fa’afeso’ota’iina mai oe e uiga i tupe maua ma po’o tupe toe totogi i lafoga – pe mana’o mai foi i ni (details) i le imeli, text, po’o le upega tafailagi.
- Ia fa’aeteete i imeli e:
- Ese le tuatusi o le tagata na imeli mai, ese le tuatusi o le fa’alapotopotoga e te talitonuina.
- aumai i se tuatusi e te matua le iloa lava, po’o se tuatusi o se webmail e leai sona tau (free).
- E le fa’aaogaina lou igoa, ae fa’aaoga se fa’afeiloa’iga lautele e pei o le ‘Dear customer’po’o le ‘Dear taxpayer’pe leai foi se fa’afeiloa’iga e fa’aaogaina.
- E fa’aaoga upu ina ia e gaioi vave loa – e fa’afefe oe a e le gaioi nei loa, o le a tapunia lau account po’o le a misi se totogi o le lafoga, po’o sau tupe o le a toe maua mai (refund).
- E talosaga mai mo mea tau ia te oe e pei o lou igoa fa’aaoga (username) upu tatala (password) po’o mea i le faletupe.
- Ia e fa’aeteete i imeli e iai faila e fa’apipi’i mai ai. Afai e te le o mautinoa, aua le ‘o’omiina le faila fa’apipi’i, ae ‘o’omi le ‘delete’. Aua le tali iai ma aua le ‘o’omiina le ‘forward’ se’iloga e te mana’o e lipoti i le fa’alapotopotoga autu.
- Ia va’ava’ai lava nofoaga e kopi (copycat websites) aua a e sese ai, e te ono totogia se tupe matua maualuga lava mo se auaunaga a le fai fua, e mo se tau e laititi lava i le malo. E te gau ai ae le iloa pe e te maua se auaunaga pe leai tusa lava pe sa fa’asalalau fa’alaua’itele i le Google ma isi (sites).