E masani lava, ona maua e lē ua āfāina, se tagata e vili mai I le telefoni e mana’omia ai se totogi fa’anatinati e ala i le fa’atau o iTunes po o isi card fa’ameaalofa /vouchers i le faleoloa latalata ane, e mafai ona avea o se faleoloa talafeagai po o se faleoloa fa’atau mea totino eletise. Ua ta’u atu i lē ua fa’asesēina, o le mea lea e totogi ai le pili o le lafoga ua tuai (o tagata pepelo ma le taufa’asesē e masani ona fai mai o latou o sui o le ofisa ao lafoga), pili a le falema’i, pili o mea e totogi, pili o le aoina o aitalafu po o le tupe tatala.
I le ma’ea ai o le fa’atauga, ua talosagaina lē ua fa’asesēina, ina ia totogi le tagata taufa’asesē i luga o le telefoni, i le faitauina o le numera e i ai fuainumera e 16 (i le tulaga o iTunes card fa’ameaalofa) i tua o le card. Ona toe fa’atauina atu loa lea o ia codes e le tagata taufa’asesē, pe fa’atau ai oloa taugatā, i tupe alu a le tagata ua fa’asesēina.
O le mea moni, e mafai ona fa’aaogāina lenei ituaiga card fa’ameaalofa/voucher e fa’atau ai na o oloa ma tautua i luga o le ‘upega tafa’ilagi o le pisinisi o lo o fa’asalalauina. Peita’i, o le to’atele o tagata ua āfāina ona o tagata taufa’asesē ona o le lē malamalama i le fa’aaogāina o nei polokalame.
E mafai ona sili atu i le ta’i fia selau po o le faitau afe o tālā ma o le to’atele o tagata ua fa’asesēina e i luga atu o le 65 tausaga le mātutua – ae ui lava i lea, so o se tagata lava e lamatia.
E leai se fa’alapotopotoga aloa’ia e fesili mo le totogiina o se pili po o aitalafu i le fa’aaogāina o vouchers po o card fa’ameaalofa. E lē tatau ona e fa’aalia le numera i luga o vouchers po o card fa’ameaalofa na e fa’atau mai, se i vāganā o le fa’ailoaina i luga o ‘upega tafa’ilagi aloa’ia mo le totogiina atoa po o se vaega o oloa po o tautua.
Afai o oe na āfāina i se voucher /card fa’ameaalofa scam
- Lipoti i leoleo.
- Lipoti vave i lau faletupe e talafeagai po o lau kamupani o lo o fa’atupeina le totogiina o pili. E mafai ona e iloa pe fa’apefea ona fai, i le va’ai i ā latou ‘upega tafa’ilagi.